O belén d@s neno@s de Manzaneda

NADALXOGO 2010

Nacemento solidario

O pasado sábado @s nen@s que asistiron á ludoteca realizaron este Belén ambientado no Sahara debido ó brutal ataque que está a sufrir o pobo saharahui por parte do goberno marroquí.
As/os nenas/os quixeron deste modo recordar nestas datas a todos os rapaces e rapazas do Sahara que están a padecer esta situación sen que a Comunidade Internacional faga nada ó respecto.
A maioría dos materiais empregados eran de refugallo. Usamos pasta de sal para a elaboración da figuras. Deixámosvos a receita por se vos interesa, é como a plastilina pero máis bonita e moi barata!!

Receita para a pasta de sal:

Ingredientes:

3 partes de fariña (común, sen levadura)

1 parte de sal

1 parte de agua

Mistura a fariña e o sal cunha culler, nun recipiente amplo, empregando movementos en redondo e añadindo gradualmente auga fría. Continúa misturando ata que a masa non se pegue ás paredes do recipiente. Despois amasa a man sobre unha táboa de madeira durante 10 minutos ata que a masa se volva suave, elástica e morna ó tacto. Colócaa nunha bolsa de plástico para que descanse durante unha hora.

Nota: se queres que a pasta de sal sexa dalgunha cor, cando a esteas amasando na madeira, incorpora pintura de témpera ou algún colorante natural.